نعت رسول: ہر شخص کی زبان پہ مدحت ہے آپ کی

نتیجۂ فکر: نذیر اظہرؔ کٹیہاری

ہر شخص کی زبان پہ مدحت ہے آپ کی
"دنیا میں بے مثال رسالت ہے آپﷺ کی”

مفلس ہو یا امیر ، ملا ہے سبھی کو حق
انصاف والی ایسی عدالت ہے آپﷺ کی

گر چاہتے ہو رب کی رضا تو یہ جان لو
ہر حال میں ضروری اطاعت ہے آپﷺ کی

اک بار آپ سے جو مِلا آپ کا ہوا
ایسی بلا کی صورت و سیرت ہے آپﷺ کی

رحمان کہہ رہا ہے خود اپنی کتاب میں
سب امتوں سے بہتر امت ہے آپﷺ کی

اپنا لیا ہے جس نے بھی اسوہ رسول کا
لاریب اس کے حق میں شفاعت ہے آپﷺ کی
اپنی طرف سے دین میں کچھ بھی نہیں کہا
وحیِ خدائے پاک ہی سنت ہے آپ ﷺ کی

اپناؤ اتحاد کو فرقوں میں نہ بٹو
بے شک یہی سبھی کو نصیحت ہے آپﷺ کی

سر تَن سے ہو بھی جائے جدا کوئی غم نہیں
اظہرؔ عزیز ، جان سے حرمت ہے آپﷺ کی

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت رسول: دل سے جو سرکار کا شیدا نہیں

محمد رمضان امجدیمہراجگنج یوپی انڈیا دل سے جو سرکار کا شیدا نہیںآخرت میں اس کوکچھ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے