نعت رسول: کہکشاں جس کی ہے گردِ پا سوچیے

نتیجۂ فکر:محمد زاہد رضا بنارسی
دارالعلوم حبیبیہ رضویہ گوپی گنج، بھدوہی۔ یوپی۔ بھارت


کہکشاں جس کی ہے گردِ پا سوچیے
اس نبی ﷺ کا مرے مرتبہ سوچیے

لا مکاں تک بفیضِ حبیب خدا
پہنچی ہے مری فکر رسا سوچیے

میرے سرکار کے شہرِ پر نور کی
کتنی نورانی ہوگی فضا سوچیے

ہیں جہاں محوِ خواب آج بھی مصطفٰے
عظمتِ حجرئہ عائشہ سوچیے

اس کی تعریف ہم سے ہو ممکن نہیں
جس کی رب خود کرے ہے ثنا سوچیے

پل میں دوزخ سے جنّت کے باغات میں
کیسے حر کا ہوا داخلہ سوچیے

فکرِ دنیا تو ہم نے بہت کی مگر
آخرت کے لیے کیا کیا سوچیے

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت رسول: طائرِ مدینہ تو! لے کے دردِ دل جاتا

مرشدی تاج الشریعہ علیہ الرحمہ کے ایک مصرع پر طبع آزمائی کی کوشش نتیجۂ فکر: …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے