منقبت: حسین و منوّر ہیں مسعود غازی

نتیجۂ فکر: اشرف رضا قادری
چھتیس گڑھ

حسین و منوّر ہیں مسعود غازی
معطّر مطہر ہیں مسعود غازی

عدو کے چھڑائے ہیں چھکّے انہوں نے
شجاعت کے پیکر ہیں مسعود غازی

جری ، حوصلہ مند ، مردِ مجاہد
علی کے دلاور ہیں مسعود غازی

نہ ٹِک پایا طوفان بھی ان کے آگے
عزائم کے پیکر ہیں مسعود غازی

صفیں دشمنوں کی ہیں رکھ دی الٹ کر
جلالِ پیمبر ہیں مسعود غازی

علی ابن طالب کے گھر کی وہ زینت
عطا کے سمندر ہیں مسعود غازی

قناعت کے جلوؤں سے روشن ہے سینہ
کمالِ ابوذر ہیں مسعود غازی

ہیں قد والے بھی سرنگوں جس کے در پہ
وہ مردِ قد آور ہیں مسعود غازی

رضائے خدا ڈھونڈتے ہیں جو اشرف
وہ ” مردِ قلندر ” ہیں مسعود غازی

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت رسول: طائرِ مدینہ تو! لے کے دردِ دل جاتا

مرشدی تاج الشریعہ علیہ الرحمہ کے ایک مصرع پر طبع آزمائی کی کوشش نتیجۂ فکر: …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے