کانپور کے دو روزہ تربیتی مذاکرے کے کامیاب انعقاد پر مولانا امین الحق کو مبارک باد

ہردوئی: 26 فروری، ہماری آواز(نامہ نگار)
جمیعت علماء کے زیر اہتمام جاجمو کانپور میں دو روزہ تربیتی مذاکرے کے کامیاب انعقاد پر ہردوئی کے علماء نے جانشین مجاہد اسلام مولانا محمد امین الحق عبداللہ قاسمی کو مبارکباد پیش کی اور تأثرات کا اظہار کیا۔
ضلعی شاخ کے صدر مولانا عبدالجبار قاسمی ویاسر عبدالقیوم قاسمی نے مشترکہ طور پر مبارکبادی ودعاؤں سے نوازتے ہوئے کہا مولانا امین الحق عبداللہ قاسمی نے اپنے والد گرامی حضرت مولانا محمد متین الحق اسامہ قاسمی نوراللہ مرقدہ کے نقش قدم کی اتباع اور حضرت کی سچی جانشینی کا ثبوت پیش کرتے ہوئے ایک مثالی ، بروقت اور حالات کے تناظر میں انتہائی کارآمد ، کامیاب تربیتی مذاکرے کا انعقاد کیا، باری تعالیٰ مولانا کو روز افزوں ترقیات سے ہمکنار فرمائے اور مزید عزم وحوصلہ عطاء فرماکر ملت اسلامیہ کا دانشمند قائد اور عظیم رہنما بنائے ، انہوں نے کہا مولانا سید محمود اسعد مدنی نے اوپن اسکول کا جو نظام مرتب کیا وہ ملت اسلامیہ کی نسل نو کے حق میں بہت مفید ثابت ہوگا، ضلعی عاملہ کے رکن مولانا محمد غفران بلگرامی نے مبارکباد پیش کرتے ہوئے کہا دوروزہ تربیتی مذاکرے میں شرکت کا موقع ملا، حضرت مولانا اسامہ نوراللہ مرقدہ کی یاد تازہ ہوگئی ، مولانا امین الحق سلمہ نے بالکل اپنے والد ماجد کے طرز پر پروگرام کا انعقاد کیا ، تربیتی مذاکرے میں علمائے کرام کے ذریعے جو ہدایات دی گئیں سبھی علماء نصب العین بناکر ان پر عمل درآمد کریں تو ملت اسلامیہ کیلئے موجودہ حالات کا مقابلہ آسان ہوگا ، جمعیت علماء پہانی کے صدر مولانا عطاء اللہ قاسمی نے کہا اسطرح کے تربیتی ورکشاپ انتہائی مؤثر اور سود مند ہیں کیونکہ اس سے حالات کو صحیح سمجھکر ان کے مقابلے کی صلاحیت پیدا ھوتی ھے اور مخلصانہ خدمت خلق کا جذبہ پیدا ہو تا ہے۔

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

اناؤ: عرس تاج الشریعہ رحمتہ اللہ علیہ بڑے ہی تزک و احتشام کے ساتھ منایا گیا

مورخہ یکم اپریل 2021 بروز جمعرات بعد نماز عشاء عرس حضور تاج الشریعہ علیہ الرحمتہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے