سکون قلب مادی اسباب سے حاصل نہیں کیا جاسکتا: مولانا افضال الرحمٰن قاسمی

سندیلہ / ہردوئی (یاسر قاسمی)
گزشتہ شب منگل بازار سندیلہ کی مسجد میں ایک دینی، تبلیغی و اصلاحی نشست منعقد ہوئی، نشست میں خلیفہ حضرت محی السنۃ مولانا شاہ افضال الرحمن قاسمی نے خصوصی خطاب کیا، دعاء کے ساتھ نشست اختتام پذیر ہوئی۔
بعد نماز مغرب منعقدہ نشست میں مدرسہ اشرف المدارس ہردوئی کے شیخ الحدیث مولانا افضال الرحمن قاسمی نے حاضرین کو نصیحت کرتے ہوئے کہا سکون قلب مادی اسباب سے حاصل نہیں کیا جا سکتا، مادی اسباب سے جو یہ دولت حاصل کرنا چاہتے ہیں وہ احمق ہیں، انجکشن، دواؤں اور منشیات سے محض حواس مختل ہو تے ہیں، حقیقی نید میسر نہیں آتی، مولانا نے کہا اطمینان قلب کے لئے دو باتیں ضروری ہیں، ایک ایمان، دوسرے کثرت اور تسلسل کے ساتھ ذکر الہی، انہوں نے کہا ذکر کسی ایک طریقے میں منحصر نہیں ، اس کے مختلف طریقے ہیں ، تلاوت قرآن، تسبیحات، نماز، عبادات، دعاؤں کا اہتمام اور مختلف مواقع وحالات میں پڑھی جانے والی دعائیں یہ سب ذکر الہی میں شامل ہیں ، انہوں نے کہا کہ غفلت بری بلا ہے، ہر انسان کے دو دشمن ہیں، ایک شیطان، دوسرے نفس ، یہ کبھی دوست نہیں ہو سکتے، ان کی دشمنی کو خود قرآن نے واضح کیا، انسان جب بھی غافل ہوتا ہے شیطان ڈس لیتا ہے، جو جتنا بڑا ذاکر ہوگا وہ شیطان سے اتنا ہی محفوظ ہوگا، نصیحت کرتے ہوئے فرمایا ذکر اتنا کرو کہ دل ذکر الہی میں اس طرح ڈوب جائے جیسے مچھلی پانی میں ڈوبتی ہے، اور کثرت ذکر کی علامت یہ ہے کہ ذاکر کے چہرے سے ذکر کے آثار نمایاں ہونے لگتے ہیں، اس کے کلام میں انوارات کا ظہور ہوتا ہے، وہ ہر ماحول میں ثابت قدم رہتا ہے، فسق و فجور سے بے چین ہو جاتا ہے۔

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

اپنے دلوں میں تقوی اور فکر اخرت پیدا کریں مسلمان: مفتی محمد اخلاق

شاہ آباد /ہردوئی ( حافظ طریق احمد)شاہ اباد علاقہ کے ہررئی گاوں میں گزشتہ شب …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے