نعت رسول: مرے حصے میں جب سے مصطفیٰ کی مدح خوانی ہے

نتیجۂ فکر: عبدالمبین حاتم فیضی، مہراج گنج

بہت ہی خوبصورت تب سے میری زندگانی ہے
مرے حصے میں جب سے مصطفی کی مدح خوانی ہے

ہوا ! دربارِ آقا کی تو تھوڑی خاک لاکر دے
فلک کے ماہِ تاباں سے نظَر مجھ کو مِلانی ہے

جمالِ گنبدِ خضریٰ بسالو اپنی آنکھوں میں
اگر نظروں کی تم کو روشنی اپنی بڑھانی ہے

حقیقت میں نہیں ! لیکن تصور میں وہاں جاکر
"صبا ہم نے بھی ان گلیوں کی کچھ دن خاک چھانی ہے”

ہمیں بھی لیکے چل بادِ صبا ! شہرِ مدینہ میں
کہانی دردِ دل کی اپنے آقا کو سنانی ہے

کہاں مَیں ذرَّۂِ کمتر ! کہاں مدح و ثنا ان کی
جو لِکھ لیتا ہوں میں، ان کی یہ مجھ پر مہربانی ہے

بنایا ہے خدا نے نور سے اپنے انہیں حاتم
نہ ان کے جسم کا سایا نہ کوئی ان کا ثانی ہے

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت رسول: طائرِ مدینہ تو! لے کے دردِ دل جاتا

مرشدی تاج الشریعہ علیہ الرحمہ کے ایک مصرع پر طبع آزمائی کی کوشش نتیجۂ فکر: …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے