نعت رسول: دیکھوں در رسول میں جا کر قریب سے

نتیجۂ فکر: محمد جیش خان نوری امجدی
          مہراج گنج یوپی

ہوجائے میری حاضری طیبہ نصیب سے
دیکھوں در رسول میں جاکر قریب سے

کہتا ہے  رات دن یہی بیمار مصطفی
مجھکو غرض نہیں ہے جہاں کے طبیب سے

جائے گا خلد میں وہی سن لو اے مومنو
کرتا ہے جو بھی پیار خدا کے حبیب سے

شیدا ہے جو نبی کا وہ کہتا ہے بس یہی
اے کاش دیکھ لیتا انہیں میں قریب سے

کہتا ہے مصطفی کو جو اپنی طرح بشر
رشتہ نہیں بنانا تو ایسے رقیب  سے

کرتا نہیں  بیان جو عظمت حضور کی
دوری بنائے رکھنا تو ایسے خطیب سے

ہوگی تمہاری شاعری پرلطف خوشنما
رکھو گے تم جو واسطے اچھے ادیب سے

فرمان مصطفی ہے سنو غور سے یہی
نوری ہمیشہ رکھنا تو الفت غریب سے

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت رسول: طائرِ مدینہ تو! لے کے دردِ دل جاتا

مرشدی تاج الشریعہ علیہ الرحمہ کے ایک مصرع پر طبع آزمائی کی کوشش نتیجۂ فکر: …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے