جمعیتہ علماء کمپل شاخ کی انتخابی میٹنگ منعقد، مولانا مفضال الرحمٰن صدر، مولانا محمد شکیل مظاہری جنرل سکریٹری منتخب

فرخ آباد: 3فروری/ ہماری آواز(یاسر قاسمی)
جمعیت علماء اترپردیش میں (وسط زون ) کے جنرل سکریٹری و ضلعی صدر مفتی ظفر احمد قاسمی کی نگرانی میں کمپل شاخ کے صدر ، نائب صدور ، جنرل سکریٹری و سکریٹری کے عہدوں کے لیۓ انتخابی کاروائی عمل میں آئی۔
منعقدہ میٹنگ میں مولانا مفضال الرحمٰن مہتمم جامعہ خالد ابن ولیدؓ موضع کٹیا کو اتفاق راۓ سے مقامی شاخ کا صدر منتخب کیا گیا۔ اس دوران ضلعی سکریٹری حافظ عبد الخالق و مولانا واصف جمیل قاسمی کی پیش کش و رائے سے اتفاق کرتے ہوئے حاضرین نے مقامی شاخ کا جنرل سکریٹری مولانا محمد شکیل مظاہری صدر مدرس مدرسہ جامع الھدیٰ کٹیا کو منتخب کیا ۔ علاوہ ازیں سماجی کارکن قاری شاہ نواز محمودی مہتمم مدرسہ دارالتعلیم بہبل پور نائب صدر اول، مولانا نبی حسن ندوی نائب صدر دوم ، حافظ محمد نصرت نائب صدر سوم ، حافظ رسول احمد کمپل، مولانا محمد بلال کٹیا، حافظ عبد الکلام بہبل پور و مولانا رفیع الدین کٹیا سکریٹری، ریاست علی خازن ، قاری افتخار احمد نائب خازن منتخب ہوئے۔ اس سے پہلے حاضرین کو خطاب کرتے ہوئے ضلعی صدر مفتی ظفر احمد قاسمی نے کہا کہ جمعیتہ علماء ہند اپنے قیام کے روز اول ہی سے مظلوموں کی خدمت اور ان کی داد رسی کا فریضہ بحسن خوبی انجام دے رہی ہے، انہوں نے کہا جمعیت علماء ملت اسلامیہ کی بقا ،دین و شریعت و مدارس و مساجد کی حفاظت، قدرتی آفات میں بلا تفريق مذہب و ملت متاثرین کی امداد ، قومی یکجہتی کے فروغ ، فرقہ وارانہ فسادات میں مظلومین کی مدد، ماب لنچنگ کے مقدمات کی پیروی ، دہشتگردی کے الزام میں محبوس مسلمانوں کے مقدمات لڑنے اور ملک و ملت کے تمام طرح کے سلگتے مسائل پر سب سے پہلے آواز بلند کرنے والی واحد تنظیم ہے۔ ایسی تنظیم سے آپ حضرات کا منسلک ہونا یقیناً قابل فخر ہے۔ انھوں نےکہا جمیعتہ علماء کی ممبر سازی کا عمل 14 فروری تک جاری ہے، آپ حضرات اس مہم کامیاب بنائیں

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

رئیس التحریر حضرت علامہ یٰس اختر مصباحی صاحب کا جامعہ احسن البرکات مارہرہ شریف میں طلبۂ جامعہ سے فکری اور آفاقی خطاب

مارہرہ شریف: 26مارچ، ہماری آواز(ضیاءالرحمن امجدی) جامعہ احسن البرکات خانقاہ برکاتیہ بڑی سرکار مارہرہ شریف …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے