موتی ہاری: الخلیل ٹرسٹ کی جانب سے 300 سے زائد ضرورت مندوں کے ما بین گرم کپڑے اور کمبل کئے گئے تقسیم

خدمت انسانیت ہی ہماری اولین ترجیح ہے :مفتی حسیب اللہ حبیبی

موتی ہاری: ہماری آواز(عاقب چشتی) 20جنوری// الخلیل ایجوکیشنل اینڈ ویلفیئر ٹرسٹ پٹنہ کی جانب سے مشرقی چمپارن کے ڈھاکہ اور پتاہی بلاک کے درجنوں اور شیوہر کے مختلف گاؤں پچپکڑی، مڑلی، گڑھیا، داؤدنگر، اسلام پور، بھنڈار، لہسنیا، محمد پور، کھوڑی پاکڑ، جھٹکاہی، امبا کلاں، بسہیا شیخ، گڑھوا، گڑھیا وغیرہ میں غریب ، یتیم، مسکین، بےسہارا مرد و عورت بچے اور بچیوں کے درمیان کمبل، چادر، کوٹ، سویٹر، انر، ٹراؤزر، گرم ٹوپی، ساڑھی، پینٹ شرٹ اور دیگرمختلف کپڑوں کی تقسیم کی گئیں، اس موقع پر صحافیوں سے بات کرتے ہوئے ٹرسٹ کے بانی و صدر الحاج حضرت مولانا مفتی حسیب اللہ حبیبی نے کہا کہ ٹرسٹ کی جانب سے ضلع کے درجنوں گاؤں کا دورہ کر کے بلا تفریق مذہب غریبوں، یتیموں،بے سہارا اور ضرورت مند مردوں اور عورتوں، چھوٹے بچے اور بچیوں میں پانچ سو سے زائد مختلف قسم کے گرم کپڑے اور ضروریات زندگی کی چیزیں تقسیم کی گئیں ہیں انہوں نے کہا کہ ضرورت مندوں کی حاجت روائی اور دلجوئی ہر مذہب کی بنیادی تعلیم ہے، مذہب اسلام میں بھی یتیموں، بیواؤں، غریبوں، بے سہارا اور معذوروں کی مدد کرنے کے واضح احکامات دیے گئے ہیں اسی لئے ٹرسٹ کے مقاصد میں سے رفاہی کاموں میں اولین ترجیح اس کام کو دی جاتی ہے اس ٹرسٹ کی شروعات ۲۰۱۹ سے ہوئی ہے روز اول سے ہی جنگی پیمانے پر بلا کسی رکاوٹ کے اسی طرح سے کام کیا جا رہا ہے اس ٹرسٹ کے ذریعے سے درجنوں یتیم غریب بچیوں کی شادی میں تعاون کرکے ان کی شادی کرائی گئی ہے بیواؤں کی انفرادی امداد کی جاتی ہے، لاچار مریضوں کو دوا علاج فراہم کیا جاتا ہے انفرادی دوا علاج کے ساتھ ساتھ اجتماعی دواء علاج کا بھی انتظام کیا جاتا ہے گذشتہ سال فروری کے مہینے میں فری میڈیکل کیمپ کا انعقاد کر کے ایک ہزار سے زائد مریضوں کا مفت دوا علاج اسی ٹرسٹ کے ذریعے کرایا گیا تھا پچھلے سال بھی الخلیل ٹرسٹ کے ذریعہ کپڑا تقسیم کا پروگرام چلایا گیا تھا جس کے تحت درجنوں گاؤں میں ساڑھے تین سو لوگوں میں میں کپڑے تقسیم کئے گئے تھے۔موقع پر موجود رہنے والوں میں ٹرسٹ کے تمام اراکین کے اسماء شامل ہیں

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نوجوان صحافی عارف اقبال ”کلدیپ نیر“ ایوارڈ سے سرفراز

مالی گھاٹ/بہار: 26/ مارچ (عبد الرحیم برہولیاوی)ای ٹی وی بھارت اردو سے وابستہ جواں سال …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے