نعت رسول: تڑپا رہی ہے آپ کی فرقت مرے حضور

نتیجۂ فکر: عبدالقدوس کیفی، مصباحی
دارالعلوم فیضِ رضا، شاہین نگر، حیدرآباد

7860225070

جو بھی کرے گا آپ کی مدحت مرے حضور
پائے گا دو جہاں میں وہ راحت مرے حضور

محشر میں نفسی نفسی کی ہوگی پکار جب
مجرم کو ڈھونڈھے گی تری رحمت مرے حضور

پائی ہے جس نے گلشن "من زار” کی مہک
اس کو ملے گی تیری شفاعت مرے حضور

صورت کسی کی بھائے گی کیسے بھلا اسے
جس نے بھی کی ہے تیری زیارت مرے حضور

اس کو ملے گی رب کی رضا اور آپ کی
جو بھی کرے گا آپ سے الفت مرے حضور

پڑھتا ہے جو درود شب و روز آپ پر
اس کو ملے گی قبر میں راحت مرے حضور

کرتا ہے جب ثنا تری خلاقِ کائنات
مجھ سے بیاں ہو کیا تری مدحت مرے حضور

مثلِ قمر چمکتے ہیں وہ سب جہان میں
حاصل ہے جن کو تیری حمایت مرے حضور

بہر سلام آتے ہیں صبح و مسا ملَک
ظاہر ہے اس سے آپ کی عظمت مرے حضور

اس کی بہار جس نے بھی دیکھی وہ کہہ اٹھا
دربار تیرا لگتا ہے جنت مرے حضور

اک بار اپنے در پہ بلا لیجیے مجھے
تڑپا رہی ہے آپ کی فرقت مرے حضور

مدت سے تیری یاد میں "کیفی” ہے مضطرب
ہو جائے آج اس کو زیارت مرے حضور

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت : جب مدینے سے عطا خیرات ہو تو نعت ہو

رشحات خامہ : محمد نثار نظامی مہراج گنج۔ صاحب جودو سخا کی بات ہو تو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے