منقبت: حافظِ ملت معارف کا چمن

نتیجۂ فکر: اشرف رضا قادری
بلودا بازار چھتیس گڑھ

حافظِ ملت معارف کا چمن
پاسبانِ دین ، زیبِ انجمن

علم و حکمت کا چمکتا آئینہ
مردِ مومن ، حق نگر ، مردِ خدا

علم و حکمت کا درخشاں آفتاب
روشنی سے جس کی ہم ہیں فیضیاب

عاشقِ حضرت محمد مصطفیٰ
مظہرِ علمِ علی شیرِ خدا

مذہبِ اسلام کے وہ رہنما
اہلِ سنت کے معین و مقتدیٰ

عالم و حافظ ، محدث اور ولی
پیکرِ صدق و صفا اور متقی

اشرفیّہ ان کی علمی یادگار
اہلِ ایماں کے لیے دار القرار

اشرفیّہ مرکزِ علم و ادب
ترجمانِ دینِ سلطانِ عرب

آپ کی ” علمی جلالت ” خوب ہے
علمی شجرہ آپ سے منسوب ہے

دیپ حکمت کا جلایا آپ نے
ذرّوں کو انجم بنایا آپ نے

پھول حکمت کا کھِلایا آپ نے
قطروں کو دریا بنایا آپ نے

مدح خواں ہے آپ کا اشرف رضا
علم و حکمت اس کو کر دیجے عطا

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت : مرے مصطفے ہیں زمانے سے پہلے

رشحات قلم : شمس الحق علیمی مہراج گنج ادب سے رہو طیبہ آنے سے پہلےشہِ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے