اخلاق کی خوشبو

از قلم: محمد تیسیر الدین تحسین رضاقادری رفاعی
استاذ دارالعلوم ضیائے مصطفیٰ کانپور
خطیب و امام مسجد عزیز فاطمہ سول لائن کانپور

حضرت عائشہ رضی اللہ عنھا سے روایت ہیکہ رسول اکرم ﷺ نے فر مایا کہ صاحب ایمان بندہ اپنے اچھے اخلاق سے ان لو گوں کا درجہ حاصل کر لیتا ہے
جو رات بھر نفل نماز پڑھتے ہوں اور دن کو ہمیشہ روزہ رکھتے ہوں ( ابوداؤد شریف )
رسول اللہ صلی اللہ علیہ وسلم نے ارشاد فرمایا ٌ تم سب میں مجھ کو زیادہ محبوب اور اخرت میں سب سے زیادہ مجھ سے قریب وہ شخص ہوگا جس کے اخلاق اچھے ہونگے – اور تم سب میں مجھ کو زیادہ برا لگنے والا اور آخرت میں مجھ سے سب سے زیادہ دور رہنے والا وہ شخص ہے جس کے اخلاق برے ہوں
( جنتی زیور )

حضرت سیدنا ابو ہریرہ رضی اللہ عنہ سے روایت ہیکہ محبوب خدا حضرت محمد مصطفیٰ ﷺ نے ارشاد فرمایا ایمان والوں میں زیادہ کامل ایمان والے وہ لوگ ہیں جو اخلاق میں زیادہ اچھے ہوں
( ابو داؤد شریف – انوار الحدیث )
ام المومنین حضرت عائشہ صدیقہ رضی اللہ عنہا فرماتی ہیں کہ رسول اکرم ﷺ اپنی دعاء میں اللہ تعالیٰ سے عرض کیا کرتے تھے – اے میرے اللہ تونے اپنے کرم سے میرے جسم کی ظاہری بناوٹ اچھی بنائی ہے – اسی طرح میرے اخلاق بھی اچھے کردے ( رواہ احمد – معارف الحدیث )
روایت ہیکہ بعض صحابہ رضی اللہ عنہم نے عرض کیا – یارسول اللہ ﷺ انسان کو جو کچھ عطا ہوا ہے اس میں سب سے بہتر کیا ہے ؟ آپ ﷺ نے ارشاد فرمایا کہ اچھے اخلاق
( بیہقی شریف – جنتی زیور )
حضرت معاذ بن جبل رضی اللہ عنہ فرماتے ہیں کہ رسول اکرم ﷺ نے جو آخری وصیت مجھے کی تھی جب کہ میں نے اپنا پاؤ ں اپنی سواری کی رکاب میں رکھ لیا تھا – وہ یہ تھی کہ آپ ﷺ نے فرمایا ٌ لوگوں کے لئے اپنے اخلاق کو بہتر بناؤ ‛ یعنی بندگان خدا کے ساتھ اچھے اخلاق سے پیش آؤ ‛‛

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

ازالہ شُبہات در آیاتِ جہاد (قسط دوم)

تحریر: کمال مصطفیٰ ازہری جوکھنپوریجامعة الأزهر الشريف ، مصر بسم الله الرحمن الرحيم شبہ نمبر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے