نعت رسول: نبی سے محبت ہے ایمان کامل

فرانس کی حالیہ غلط حرکتوں کے پس منظر میں، حضور صلی اللہ علیہ وسلم کی شان مبارک میں لکھا گیا نعتیہ کلام۔

نتیجۂ فکر: صادق طاہر قاسمی ندوی کبیر نگری
مقیم حال ریاض سعودی عرب

نبی سے محبت ہے ایمان کامل
یہی ہے مرا عہد وپیمان کامل

نبی کی ہو توہیں گوارا نہیں ہے
یہی تو ہے مومن کی پہچان کامل

جو شان رسالت پہ جاں تک لٹا دے
وہی در اصل ہے مسلمان کامل

نبی سے محبت کی تکمیل یہ ہے
کہ قربان ہو اس پہ ہر جان کامل

جسے ہو گئی ہے نبی کی زیارت
اسے مل گیا پھر تو عرفان کامل

یہی تو ہے مومن کی معراج کامل
مقدم نبی کا ہو فرمان کامل

شہادت،صداقت،اطاعت،عقیدت
یہی ہیں محبت کے ارکانِ کامل

کبھی چھوڑ سکتے نہیں ہم نبی کو
نبی کا ہے امت پہ احسان کامل

مٹا ہے سدا،جس نے توہین کی ہے
یہی ہے ہمارا تو ایقان کامل

مرا قبلہ،کعبہ،مرا مقتدیٰ ہے
کہ اترا ہے جس پر یہ قرآن کامل

جو شان رسالت کا گستاخ ہوگا
کریں گے سدا اس کا بطلان کامل

یہ دولت،یہ ثروت،یہ عزت و شہرت
نبی پر لٹا دیں گے سامان کامل

کٹا ءیں گے سر، جان دیں گے نبی پر
یہ کرتے ہیں ہم کھل کے اعلان کامل

جو ختم نبوّت پہ انگلی اٹھائے
ہلاکت کا اس کی ہے امکان کامل

یہ دنیا یہ دولت ، یہ زر اور زیور
سبھی کچھ نبی پر ہیں قربان کامل

محبت نبی کی نہیں زندگی میں
تو پھر زندگی بھی ہے ویران کامل

نبی کی شفاعت ملے یوم محشر
یہی ہے مرے دل میں ارمان کامل

نصیبا! محمد کے ہم امتی ہیں
خدا کا ہے ہم پر یہ فیضانِ کامل

یہی ہے محبت کی معراج صادق
لٹا دیں کسی پر ہم یہ جان کامل

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت : مرے مصطفے ہیں زمانے سے پہلے

رشحات قلم : شمس الحق علیمی مہراج گنج ادب سے رہو طیبہ آنے سے پہلےشہِ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے