منقبت: دل ربا کتنا ہے روضہ اے رفاعی آپ کا

از قلم :عبدالامین برکاتی قادری
ویراول گجرات الہند

دل ربا کتنا ہے روضہ اے رفاعی آپ کا
کہہ رہا ہے یہ دوانہ اے رفاعی آپ کا

کیسے جانیگا زمانہ اے رفاعی آپ کا
مرتبہ کتنا ہے اعلی اے رفاعی آپ کا

کردو پوری آرزو؛ میرے دلِ محزون کی
دیکھ لوں اکبار جلوہ اے رفاعی آپ کا

اعلی حضرت کی نوازش اور کرم ہے بلیقیں
عرس جو ہم نے منایا اے رفاعی آپ کا

میرے سارے کام بگڑے بھی سنور جائیں گے گر
ہو کرم کا اک اشارہ اے رفاعی آپ کا

فذکرونی آیتِ اقدس کی ہیں تفسیر آپ
ہر طرف بجتا ہے ڈنکا اے رفاعی آپ کا

سیرت و کردار میں تھا عکسِ نورِ مصطفی
کیوں نہ ہو شیدا زمانہ اے رفاعی آپ کا

دو امینِ قادری کے فکر و فن کو بھی فراز
لکھ رہا ہے یہ ترانہ اے رفاعی آپ کا

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت رسول: طائرِ مدینہ تو! لے کے دردِ دل جاتا

مرشدی تاج الشریعہ علیہ الرحمہ کے ایک مصرع پر طبع آزمائی کی کوشش نتیجۂ فکر: …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے