اے کسانو دیش کی تم آن وبان وشان ہو

نتیجۂ فکر: صادق طاہر قاسمی ندوی کبیر نگری
ریاض سعودی عرب

اے کسانو دیش کی تم آن وبان وشان ہو
اے کسانوں دیش کی تم جان ہو پہچان ہو

یہ ہری کھیتی، ہرے پودے، ہرے رنگ چمن
تم سے ہیں آباد یہ کہسار یہ کوہ ودمن
خوں پسینے سے بہت سینچا ہے یہ صحن چمن
تم اگر آباد ہو، آباد ہیں گنگ و جمن

تم سدا پھولو پھلو، آباد یہ کھلیان ہو
اے کسانو دیش کی تم آن وبان وشان ہو

چیر کر دھرتی کا سینہ بیج بوتے ہو سدا
دھوپ کی شدت، تپش سورج کی سہتے ہو سدا
سینچتے ہو اپنے کھیتوں کو ندی نالے سے تم
اپنی ہمت اور طاقت سب لگاتے ہو سدا

دیش کے بھارت رتن ہو، ناز ہندوستان ہو
اے کسانو دیش کی تم آن وبان وشان ہو

موسم سرما میں، کالی اور ٹھٹھرتی رات میں
آب و دانہ کے لئے محنت کرو برسات میں
سنسناتی تیز لہریں اور ہوا طوفان کی
کام کرتے ہو سدا مشکل بھرے حالات میں

تم حقیقت میں صحیح بلوان ہو دھنوان ہو
اے کسانو دیش کی تم آن وبان وشان ہو

تیری محنت سے ہرا ہے لہلہاتا گلستاں
ناز کرتے ہیں تجھی پر یہ زمین و آسماں
پھول،کلیاں، چاند، تارے، شبنم و رنگ چمن
تیرے دم سے ہیں بہاریں اور یہ باد خزاں

تم چمن کے باغباں ہو، دیش کا سمان ہو
اے کسانو دیش کی تم آن وبان وشان ہو

تیری محنت کا ہے پھل سارے ہی ہندوستان میں
روشنی بکھری ہے ہر سو کھیت میں کھلیان میں
باغ میں کویل کی کوکو اور چڑیوں کی چہک
دیکھ خوشیوں کا ہے منظر ہر طرف میدان

تم سبھی پیر و جواں کی اک حسیں مسکان ہو
اے کسانو دیش کی تم آن وبان وشان ہو

جاں ہتھیلی پر لیے تم شوق سے آگے بڑھو
وقت کی سرکار سے پوری سبھی مانگیں کرو
ہو کے بے خوف و خطر سب باندھ لو سر سے کفن
ظلم کے آگے نہ جھک کر تم کبھی باتیں کرو

ہے دعا صادق کی سب کی مشکلیں آسان ہو
اے کسانو دیش کی تم آن وبان وشان ہو

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نظم :مُبارک ہو عزیزو پھر مہِ رمضان آیا ہے

نتیجۂ فکر: استاد بریلوی، نینی تال مُبارک ہو عزیزو پھر مہِ رمضان آیا ہےہزاروں برکتیں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے