نعت رسول: بہار خلد کا نقشہ ہے آپ کی چوکھٹ

نتیجۂ فکر: طفیل احمد مصباحی

جمال و حسن کا طُغریٰ ہے آپ کی چوکھٹ
بَہارِ خلد کا نقشہ ہے آپ کی چوکھٹ

ہر ایک غم کا مداوا ہے آپ کی چوکھٹ
دُکھے دلوں کا سہارا ہے آپ کی چوکھٹ

قدم قدم پہ بَہاروں کا عنبریں جھونکا
جمالِ صبحِ دل آرا ہے آپ کی چوکھٹ

فرشتے چومتے ہیں سنگِ در عقیدت سے
کچھ ایسی افضل و اعلیٰ ہے آپ کی چوکھٹ

عیاں ہے آیتِ ” جَاؤُوْکَ ” سے گنہگارو !
گنہ کے عفو کا حِیلہ ہے آپ کی چوکھٹ

فرازِ عرش بھی حیرت سے دیکھتا ہے اسے
عُلو کا ایسا مِنارا ہے آپ کی چوکھٹ

زمانہ اس لیے آتا ہے حاضری دینے
خدا کے قرب کا زینہ ہے آپ کی چوکھٹ

طفیل عقل کے اندھوں سے بر ملا کہہ دو
زمیں پہ عرشِ معلّیٰ ہے آپ کی چوکھٹ

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

نعت رسول: طائرِ مدینہ تو! لے کے دردِ دل جاتا

مرشدی تاج الشریعہ علیہ الرحمہ کے ایک مصرع پر طبع آزمائی کی کوشش نتیجۂ فکر: …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے