عیسیٰ فاونڈیشن کے زیر اہتمام پچھلا پنچایت کے غریبوں میں کمبل تقسیم

ہم نے غریبوں کے درد کو اپنا درد سمجھ کر اپنی ذمہ داریاں نبھائیں:نوید عالم قاسمی

کشن گنج:23/دسمبر ہماری آواز(نمائندہ) ضلع کشن گنج کے تحت واقع پچھلا پنچایت کے عیدگاہ ٹولہ پچھلا گاؤں میں مولانا نوید عالم قاسمی انچارج جمعیۃ علماء کشنگنج اور مولانا صادق قاسمی دھرم باڑی نائب صدر جمعیۃ ضلع پورنیہ کی نگرانی  گزشتہ روز بروز جمعرات کو سیکڑوں بیواؤں،غریبوں اور ضرورت مندوں کے درمیان کمبل تقسیم کیا گیا۔مولانا نوید عالم قاسمی انچارج جمعیۃ علماء کشنگنج نے کہا کہ کئی دنوں سے سیمانچل میں درجہ حرارت میں مسلسل کمی کے باعث سردی بڑھ گئی ہے۔جس کے سبب غریبوں اور بیواؤں کو کافی مشقتوں اور تکلیفوں کا سامنا کرنا پڑ رہا تھا۔انہوں نے کہا کہ کورونا وائرس کی وجہ سے ملک میں بڑھتی بےروزگار کے سبب پریشان حال غریب، بے سہارا اور ضرورت مند لوگوں کو سردی سے بچانے کے لئے علاقہ کے مالدار لوگوں کو آگے آنا ضروری ہے۔کیونکہ ضرورت مندوں کی مدد کرنا اور خدمت کرنا انسانی فریضہ ہے۔مولانا ظفر عالم صاحب قاسمی امام و خطیب جامع مسجد پچھلا نے کہا کہ غریبوں کی مدد کرنا ثواب کا کام ہے۔آج ہمارے پچھلا پنچایت کے مختلف گاؤں میں جمعیۃ پورنیہ اور کشنگنج کے فعال و سرگرم ذمہ دار مولانا نوید عالم قاسمی اور مولانا صادق قاسمی دونوں نے غریبوں کے درمیان مفت کمبل تقسیم کا کیمپ لگا کر کارِ خیر کو انجام دیا ہے جو لائقِ تحسین عمل ہے۔مولانا صادق قاسمی دھرم باڑی نائب صدر جمعیۃ ضلع پورنیہ نے کہا کہ پچھلا پنچایت اور اس کے قرب و جوار میں ایسے لوگوں کی ایک بڑی تعداد ہے۔کچھ اس میں ایسے ضرورت مند لوگ بھی شامل ہیں جو کسی کے سامنے ہاتھ نہیں پھیلا سکتے،اور نہ ہی کسی سے اپنے درد کو بیان کر سکتے ہیں ایسے لوگوں کی تلاش کرکے ان کی مدد کرنے کی غرض سے ایسے مشکل وقت میں ہمارے رفیق درس مولانا نوید عالم قاسمی نے غریبوں کو سکون پہونچانے کا بیڑا اٹھایا، لاک ڈاؤن اور تمام تر مشکلات کو پس پشت ڈال کر سیکڑوں غریبوں کو کمبل تقسیم کرکے سکون قلب عطا کرنے کا نیک کام انجام دیا ہے۔انہوں نے کہا کہ مولانا نوید عالم قاسمی نے بہت قلیل عرصہ میں علماء،حفاظ اور عوامی مقبولیت حاصل کی ہے،اس کی خاص وجہ یہ ہے کہ ہر موقع پر مولانا نے اپنے ساتھیوں کے ساتھ اپنے آپ کو خدمت خلق کے لئے پیش کیا ہے چاہے وہ 2017کے سیلاب سے تباہ شدہ علاقوں میں ریلیف کا کام ہو یا اسکے بعد جمعیۃ کے بینرز تلے مکانات دینے کا کام ہو اور ابھی شروع لاک ڈاؤن سے لیکر آج تک بڑے پیمانے پر ضرورت مندوں کے درمیان راشن کٹس پہنچانے کا معاملہ ہو،  بلاشبہ اس عظیم انسانی خدمت کو فراموش نہیں کیا جا سکتا ہے۔اس موقع پر موجود حافظ منہاج عالم صاحب پچھلا،مولانا ظہور عالم صاحب ناظم مدرسہ گنڈال،مولانا منظر مدرس مدرسہ بلیا کشنگنج کمبل تقسیم کرنے میں پیش پیش تھے،یہ سبھی لوگ مبارک باد کے مستحق ہیں۔

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

دنیا حیاتیاتی جنگ کی زد میں

عمیر محمد خانریسرچ سکالررابط: 9970306300 جنگ و جدل ایسے وسیلے ہیں جس کی بدولت قوموں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے