نعت رسول: جب پڑی سرکار کی مجھ پر عنایت کی نگاہ

نتیجۂ فکر: محمد جیش خان نوری امجدی

ڈالتا ہے ہر کوئی مجھ پر شرافت کی نگاہ
پڑ گئی ہے جب سے  مجھ پر ان کی رحمت کی نگاہ

خالق کون ومکاں سے بخشوانے کے لئے 
مجرموں کو ڈھونڈھتی پھرتی ہے رحمت کی نگاہ

مل ہی جائے گا اسے خلد بریں اے مومنو
اپنی ماں پر جس نے ڈالی ہے محبت کی نگاہ

ہوگیا ہے سر خرو وہ عالم اسلام میں
پڑ گئی ہے جس پہ بھی ان کی  عنایت کی نگاہ

ہوگیا ہے دہر  میں وہ باادب سب سے الگ
پڑ گئی ہے جس کے اوپر جان رحمت کی نگاہ

اہل سنت کیسے بھٹکیں گے رہِ سرکار سے
کررہی ہے جب حفاظت اعلیٰ حضرت کی نگاہ

کیسے پائے گا شفاعت حشر کے میدان میں
جس نے شاہ دیں پہ ڈالی ہے عداوت کی نگاہ

ہوگئیں کافور ساری مشکلیں نوری کی بھی
جب پڑی سرکار کی مجھ پر عنایت کی نگاہ

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

تبصرہ بر "شعر کیسے بنتا ہے” از شہزاد احمد کھرل شاذ

الحمدللہ آج بتاریخ 17/ اپریل 2021 بروز سنیچر استاد محترم جناب شہزاد احمد کھرل شاذ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے