مفتی مبین قاسمی کی والدہ کا انتقال احمد حسن قاسمی کو صدمہ

پٹنہ: ہماری آواز(عبدالرحیم برہولیاوی) 22دسمبر

مولاناومفتی مبین قاسمی صاحب ناظم مدرسہ طیبہ قاسم العلوم بردی پور کی والدہ کے انتقال پر امارت شرعیہ بہار اڑیسہ جھارکھنڈ کے معاون ناظم حضرت مولانا احمد حسین قاسمی نے اظہار تعزیت کرتے ہوئے فرمایا کہ مرحومہ کے اندر ‌،نیک عورت کی تمام صفات موجود تھی مر حومہ ایک ایسی خداترس ,پرہیزگاراور باکردار خاتون تھیں جس میں ایک صالح ماں کی ساری خوبیاں بدرجہ اتم موجود تھیں ایسی نیک سیرت ماں بہت کم دیکھنے کو ملتی ہیں کم سخن, سنجیدہ ,صوم وصلوۃ وتلاوت قرآن پاک کی بےحدپابندآج کےپر فتن دورمیں حضرات صحابیات وتابعات اور اسلامی خواتین کی نمونہ تھیں اہل خانہ کے حقوق کی پاسداراور پریشاں حال لوگوں کےحق میں بےپناہ غم خوار تھیں مرحومہ نےگویا بچوں کی تربیت کا حق اداکردیا تھاان کی کل اولاد شرافت ونجابت کا نمونہ ہیں جونیکی ودیانت میں اپنےوالدین کے عکس جمیل ہیں اس اللہ والی نےخصوصا مفتی مبین سعیدی قاسمی صاحب کی صورت میں دربھنگہ کی سرزمیں کو ایک گوہرآبدار عطاء کیا ہے جنہوں نے اپنی مخلصانہ کوششوں سے بردی پورواطراف کی سرزمین کو علم کےنور سے منور کرنےکیلئے ایک مدرسے کی بنیاد ڈال کر اس پوری مسلم آبادی کےدین وایمان کی سلامتی کاسامان پیدافرمادیاہے (فجزاہ اللہ خیرالجزاء) اللہ ان کو اپنےوالدین کے حق میں صدقہ جاریہ کو طور پر تادیر ملت کیلئے باقی رکھے ۔بندہ نے مرحومہ کو ہمیشہ ماں کہہ کر پکارا اور انہوں نے بھی ہمیشہ بندہ کو بیٹاہی کہہ کر مخاطب کیا آج محسوس ہورہا ہے کہ مفتی مبین صاحب کےساتھ ساتھ راقم السطور بھی ایک عظیم ماں سے ہمیشہ کیلئے محروم ہو گیابندہ امارت شرعیہ بہاراڈیشہ وجھارکھنڈ کےایک خادم ہونےکے ناطے جناب مفتی صاحب اوران کے اہل خانہ کی خدمت میں تعزیت پیش کرتاہے اللہ مرحومہ کو اپنی رحمتوں میں ڈھانپ لےاور ان کی لغزشوں کو معاف فرمائے اور ہمارے دیرینہ رفیق اور ان کے تمام اہل خانہ وجملہ لواحقین کو صبر کی قوت عطاء فرمائے۔ آمین

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

خاندان اعلیٰ حضرت کے چشم و چراغ، نبیرۂ اعلیٰ حضرت علامہ محمد عمر رضا خاں صاحب قبلہ(بریلی شریف) کا دورۂ جھارکھنڈ و بہار

22/مارچ/2021ءکی رات خاندان اعلیٰ حضرت کے چشم و چراغ، نبیرہء اعلیٰ حضرت ، پیر طریقت …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے