آئی۔پی۔ایس۔ سید محمد افضل قادری نے خدمت خلق سے تمام لوگوں کا دل جیت لیا: پروفیسر سید سراج الدین اجملی

علی گڑھ: ہماری آواز(ضیاء الرحمٰن امجدی)22 دسمبر// درگاہ برچھی بہادر علی گڑھ میں سکریٹری نور محمد صاحب کی جانب سے سید محمد افضل میاں قادری برکاتی کی یاد میں تعزیتی نششت کا انعقاد کیا گیا۔ نشست کا آغاز قرآن پاک کی تلاوت سے ہوئی بعدہ نعتیں پڑھی گئیں. تعزیتی نشست سے خطاب کرتے ہوئے پروفیسر سید سراج اجملی(علی گڑھ مسلم یونیورسٹی علی گڑھ) صاحب  نے کہا کہ حضرت سید محمد افضل قادری نے خدمت خلق سے تمام لوگوں کا دل جیت لیا، انہوں نے اپنے فکروعمل سے ہر خاص وعام کو اپنا گرویدہ بنالیا تھا. انہوں نے پولیس سروس میں عظیم منصب پر فائز ہوکر بڑے ایمان دارانہ اور حق شناس رویہ اپناکر ملکی خدمات انجام دی. مولانا نسیم نے کہا،’حکومت، افسران، ماتحتوں اور عوام میں یکساں مقبول ہونا نہایت مشکل ہے۔ اس قدر خوش اخلاق اور متوازن ہونا‘ یہ ایس ایم افضل قادری کا ہی کمال ہے۔ اور ایسا کیوں نہ ہو؛ ان کی پیدائش معروف خانوادہ برکاتیہ میں ہوئی اور ان کی تربیت پاکیزہ ماحول میں خانقاہ مارہرہ کے سجادہ نشین اور ان کے والد سید مصطفیٰ حیدر حسن ’احسن العلماء‘ نے کی تھی جو اپنے وقت کے ممتاز سماجی، روحانی اور دینی عبقری شخصیت تھے۔مولانا نسیم صاحب نے پروگرام کی رپورٹ لکھواتے ہوئے ضیاء الرحمن امجدی سے کہا کہ دس بجے دن درگاہ برچھی بہادر میں قرآن خوانی کا اہتمام کیا گیا اس کے بعد علماء کرام نے حضرت سید محمد افضل میاں قادری کی زندگی پر روشنی ڈالی، بہت بڑی تعداد میں علماء کرام نے شرکت کی ۔صلاۃ وسلام کے بعد حضرت سید محمد افضل میاں قادری کی مغفرت کے لیے دعا کی گئی. امجدی، علی گڑھ 

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

چھترسال فلم: تاریخ کی دھجیاں اڑاتی فلم انڈسٹری اور ہماری خاموشی

ازقلم: فہیم جیلانی احسن مصباحی، مرادآباد ہم کون سی غفلت میں ہیں؟ جو اب تک …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے