لہرا بازار(مہراج گنج) میں جشن غوث الوریٰ ونظامی کانفرنس آج

لہرا بازار/مہراج گنج: ہماری آواز(محمد نثار نظامی)17دسمبر
کل شام گلشن نظامی نوجوان کمیٹی(لہرا بازار، مہراج گنج) کی اہم نششت ہوئی جس میں آج مورخہ 17دسمبر کو ہونے والے یک روزہ عظیم الشان جشن غوث الوریٰ ونظامی کانفرنس کے متعلق امور کارکنان کو تقسیم کیے گئے۔ کمیٹی کے صدر حافظ محمد شاداب رضا نظامی نے بتایا کہ میٹنگ میں کارکنان کو ان کی ذمہ داریاں تفویض کی گئیں اور انتظام وانصرام کے متعلق اہم امور پر تبادلۂ خیال ہوا۔

خیال رہے کہ آج ہونے والے جشن غوث الوریٰ ونظامی کانفرنس کو خطیب ہندستان ماہر تقابل ادیان حضرت علامہ صاحب علی چترویدی صاحب، خطیب ذی شان حضرت علامہ محمد طاہرالقادری صاحب قبلہ مصباحی، خطیب ملت مولانا قمرالزماں چترویدی، ماہر زبان و قلم حضرت مفتی محمد شعیب رضا نظامی فیضی اور خطیب اہل سنت حضرت مفتی محمد شمیم مرکزی خطاب کریں گے۔ جبکہ شہنشاہ ترنم قاری محمد صادق رضا نیپالی، واصف شاہ ہدیٰ مولانا تابش بلرام پوری اور مداح خیرالانام مولانا خورشید مہراج گنجوی بارگاہ رسالت وغوثیت مآب میں خراج عقیدت پیش کریں گے۔ حافظ زبیراحمد صاحب کی زیر صدارت اور حافظ محمد شاداب رضا صاحب کی زیر قیادت ہونے والے اس جلسہ میں نظامت کی باگ ڈور نقیب ملت جناب عبدالجبار صاحب سدھارتھ نگری کے ہاتھوں ہوگی۔
علاوہ ازیں عالی جناب ماسٹر شعبان علی نظامی، حافظ شعیب احمد نظامی، حافظ نورعالم صاحب کی شرکت متوقع ہے۔

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

خانقاہ فیض الرسول براؤں شریف میں عرس خواجہ غریب نواز

سدھارتھ نگر/ ادارہ وخانقاہ فیض الرسول براؤں شریف میں سلطان الہند حضرت خواجہ معین الدین …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے