نتیش کو آر۔جے۔ڈی۔ کی طرف سے دعوت؛ آپ کو بی۔جے۔پی۔ نے پھنسا لیا ہے، این۔ڈی۔اے۔ چھوڑ ہمارا ساتھ دیں

پٹنہ، ہماری آواز(نامہ نگار)15 دسمبر
بہار میں نئی حکومت کے قیام کے بعد سیاسی گلیاروں میں ابھی تک خاموشی چھائی ہوئی تھی لیکن اب بیان بازی کے ذریعہ اس خاموشی کو ٹوڑنے کا سلسلہ شروع ہورہا ہے۔ جہاں کل کانگریس نے این۔ڈی۔اے۔ اتحاد کا حصہ رہنے والے جیتن رام مانجھی کو اپنے ساتھ آنے کی پیش کش کی، وہیں اب آر۔جے۔ڈی۔ نے نتیش کمار کو بھی بی۔جے۔پی۔ سے علیحدگی کا مشورہ دے دیا۔ آر۔جے۔ڈی۔ کا دعوی ہے کہ نتیش کمار بی۔جے۔پی۔ کے چکرویو میں پھنس گئے ہیں۔
آر۔جے۔ڈی۔ کے ایم۔ایل۔اے۔ اور لالو یادو کے قریبی بھائی وریندر نے کہا ہے کہ نتیش کمار کو بی۔جے۔پی۔ ہر طرف سے گھیر کر انہیں پھنسانا چاہتی ہے۔ آر جے ڈی کے ایم ایل اے نے کہا ہے کہ بی جے پی کا مقصد نتیش کمار کی شاخ کو ختم کرنا ہے۔صرف یہی نہیں بھائی وریندر نے کہا کہ نتیش کمار اور لالو پرساد نے مل کر پہلے کام کیا ہے۔ یہ دونوں ہی 74 کی تحریک کے رہنما رہ چکے ہیں۔ ہمیں نتیش کمار سے ہمدردی ہے۔ لہذا ہم آپ کو مشورہ دے رہے ہیں کہ بی جے پی چھوڑ دیں اور آگے آئیں۔مزید آر جے ڈی کے ایم ایل اے نے کھلے طور پرکہا ہے کہ نتیش کمار کو این۔ڈی۔اے۔ سے علیحدگی اختیار کرنی چاہئے اور مہاگٹھ بندھن کا ساتھ دینا چاہئے۔ بھائی وریندر نے کہا ہے کہ ہم انہیں مشورے بھی دے رہے ہیں اور ان کا خیرمقدم بھی کریں گے۔
جرائم پر بہار حکومت پر حملہ کرتے ہوئے بھائی وریندر نے کہا کہ حکومت کی بدعنوانی سے متعلق کوئی پالیسی نہیں ہے۔ نتیش حکومت کے پاس کوئی طاقت نہیں ہے ، جو بھی ہے سب بی۔جے۔پی۔ کے دائرے میں ہے ، ان کے پاس کچھ نہیں ہے۔ انہیں وزیراعلیٰ کا عہدہ قبول ہی نہیں کرنا چاہئے تھا ، وہ کس منہ سے وزیراعلیٰ بنے ہیں یہ تو وہی بتائیں گے۔

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

تحفظ ناموسِ رسالتﷺ کے عنوان پر مالیگاؤں میں پُر امن مظاہرہ آج

آج گستاخ نرسنگھانند کی بدگوئی کے خلاف سنی تنظیمیں گرفتاری دیں گی مالیگاؤں: 12اپریل، ہماری …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے