واہ! آپ کسانوں کو پریشان کریں تو خیر خواہ اور کیجریوال کسانوں کی حمایت اور خدمت کریں تو منافق: سسودیا

جاویڈکر کے کیجریوال کو منافق کہنے پر بھڑکے سسودیا

نئی دہلی،ہماری آواز: 14 دسمبر(پریس ریلیز) دہلی کے نائب وزیراعلی منیش سسودیا نے اطلاعات و نشریات کے وزیر پرکاش جاوڈیکر پر طنز کرتے ہوئے کہا کہ وزیراعلی اروند کیجریوال کسانوں کو جیل میں ڈالنے کی آپ کی سازش کو ناکام کریں تو وہ منافق ہوگئے۔
مسٹر سسودیا نے ٹویٹ کرکے آج کہا،’’واہ پرکاش جاوڈیکر جی۔ آپ کالے قانون بناکر کسانوں کی کھیتی برباد کریں،مظاہرین کسانوں کو جیل میں ڈالنے کی سازش کریں تو آپ خیر خواہ۔اروند کیجریوال کسانوں کو جیل میں ڈالنے کی آپ کی سازش ناکام کریں،ان کی خدمت کریں،حمایت میں اپواس کریں تو منافق۔‘‘
اس سے پہلے مسٹر کیجریوال نے کہا،’’اپواس پاک ہوتا ہے۔آپ جہاں ہیں ،وہیں ہمارے کسان بھائیوں کےلئے اپواس کیجئے۔پربھو سے ان کی جدوجہد کی کامیاب کی دعا کیجئے۔ آخر میں کسانوں کی ضرورجیت ہوگی۔‘‘
واضح رہے کہ مسٹر جاوڈیکر نے ٹویٹ کرکے کہا کہ’’کیجریوال جی یہ آپ کی منافقت ہے۔آپ نے پنجاب اسمبلی انتخابات میں وعدہ کیا تھا کہ جیتنے پر زرعی پیداوار بازار کمیٹی (اے پی ایم سی)قانون میں ترمیم کی جائےگی۔ نومبر 2020 میں آپ نے دہلی میں زرعی قانونوں کو نوٹیفائی بھی کیا اور آج آپ اپواس کا ڈرامہ کررہے ہو۔یہ کچھ اور نہیں بلکہ منافقت ہی ہے۔‘‘
دہلی کے وزیراعلی تین زرعی قانونوں کے خلاف کسانوں کی تحریک کی حمایت میں پیر کو ایک دن کے اپواس پر ہیں۔ انہوں نے عام آدمی پارٹی کے کارکنان اور تمام حامیوں سے بھی ایک دن کا اپواس رکھنے کی اپیل کی ہے۔

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

حکومت کسانوں کو کچلنے پر تلی ہے:راہل، پرینکا

ہماری آواز/نئی دہلی 2 فروری (پریس ریلیز) کانگریس کے سابق صدر راہل گاندھی اور پارٹی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے