آہ بابری مسجد

ظلم و زیادتی کے ذریعے بابری مسجد کی جگہ پر بت خانے کی بنیاد رکھ دی گئ…
آہ یہ مناظر دیکھے نہیں جاتے، دل روہا ہے جگر میں اضطراب و بیچینی ہے ایسے میں ہر ایک مومن کے دل کی آواز بشکل اشعار ….

نتیجۂ فکر: سلمان رضا فریدی مصباحی، مسقط عمان

ملے گی ہم کو اک دن کامیابی، بابری مسجد
کہ ہم پائیں گے تیری ہمرکابی ، بابری مسجد

تری بنیاد کے سارے نشاں معلوم ہیں ہم کو
رہیں گے کر کے تیری بازیابی بابری مسجد

اذاں گونجے گی ان شاء اللہ پھر تیرے مناروں سے
یقینا ہوگی اک دن فتحیابی ، بابری مسجد !

تری مٹّی گواہی دے گی اہلِ حق کے سجدوں کی
جبیں کو ہوگی تجھ سے فیضیابی ، بابری مسجد

عداوت کی یہ ساری دھول ، ہم تجھ سے ہٹائیں گے
بنے گا تیرا چہرہ آفتابی ، بابری مسجد

ترے دشمن ، ترے غدّار جل کر خاک ہوجائیں
نظر اک ڈال دے اُن پر عِتابی بابری مسجد

اُٹھیں اور ساتھ نکلیں تو درِ مقصود مل جاے
قیادت پر مگر حالت ہے خوابی، بابری مسجد !

سزا پائیں گے ، ظلم وجبر کے جتنے مُربّی ہیں
ضـرور آۓ گا دَورِ احتسابی ، بابری مسجد

تری تعمیر ، اہل حق کی خوشیاں لے کے آئے گی
ابھی تو کیفیت ہے اضطرابی ، بابری مسجد

لہٗو روتی ہیں آنکھیں اور لبوں پر یہ دعائیں ہیں
کہ لوٹ آئے تری عزت مَاٰبی، بابری مسجد

فریدی نے بھی تھاما ہے عَلَم تیری حمایت کا
نہ ٹھہرے گا سفر یہ انقلابی بابری مسجد

الدال علیٰ خیر کفاعلہ (شیئر کریں)

ہمارےبارے میں ہماری آواز

ہماری آواز ایک غیر جانبدارانہ نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

یہ بھی پڑھیں

پکار: اس بار خاموشی کہے گی

میراروڈ: نظمیں، اشعار، غزلیں، کہانیاں وغیرہ ہماری زندگی میں ایک اہم کردار ادا کرتی ہیں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے